| السؤال |
: |
السلام عليكم ورحمه الله وبركاته
انا اعاني من وسواس قهري في الصلاه والوضوء والطهاره.. طول الوقت احس اني على جنابه سواء شفت شي او واي افرازات صفراء اعتبرها مني وماعرف افرق بين الافرازات مع اني قريت عنها كثير تعبت من الاغتسال ..زاد الوسواس بشكل كبير وصار عندي وسواس الغسل من الحيض في اخر يوم من الحيض اتعب عشان احدد هل طهرت ام لا وانتظر يوم او يومين وفوق هذا كله اذا اغتسلت اعيده بعد 5 ايام او اسبوع ثم ارجع اعيده مره ثانيه وثالثه الى ان تدخل حيضه الشهر اللي بعده وفي كل مره اغتسل فيها احس ان غسلي خطأ اجلس في دوره المياه اعزكم الله قرابه الساعه اوسوس في النيه ويجيني وسواس الشرك في النيه وافكار كثيره.. انا اغتسل بطريقه الغسل الواجب الكامل(طريقه الرسول صلى الله عليه وسلم) بس اتعب واوسوس فيها واسرف بالماء من شده التدقيق ..يجيني وسواس اني لما غسلت الفرج في البدايه ماكنت ناويه رفع الحيض او الجنابه وارجع اغسله مره ثانيه وينتقض وضوئي واتوضأ بعد ماانتهي من الغسل واجلس اعيد وازيد في الوضوء واعاني من فقاعات هواء تخرج دايم وتزيد في الوضوء والغسل وقريت فتوى انها اذا كانت من الدبر تنقض الوضوء وهذا الشي تعبني وبعد كل غسل اوسوس بشي جديد واقول خلاص راح اعيده مره ثانيه واعيد واجلس كم يوم وارجع اعيده ..حتى صلاتي مو قادره اخشع فيها كلها وسوسه احس اني اصلي وانا على جنابه واني ماغتسلت زين عن الحيض..والشي المضحك اني اصلي واعيد الوضوء كم مره واتعذب عشان احاول انتبه بالصلاه واوسوس كم ركعه صليت وكم سجده وبعد فتره ارجع اغتسل واقول بأقضى الصلوات السابقه وارجع اصلي وبعد فتره ارجع اغتسل وعلى هالحال.. احس اني مذنبه والوم نفسي كيف اصلي وانا علي اغسال كثيره بس والله تعبت مهما سويت احس ان غسلي خطأ.. سأصاب بالجنون مو قادره اخشع بصلاتي ولا اقرأ قرآن ..تعبت حياتي كلها اعاده بالغسل ..لي 9 شهور اوسوس بالغسل من الحيض وتكرار الغسل الى ان تدخل الحيضه اللي بعدها ..والحين افكر اني اغتسل عن جميع حيضات التسع شهور وعن كل جنابه واحتلام بهالتسع شهور..بس كيف اغتسل هل انوي الغسل عنها جميعا بغسل واحد ام اغتسل عن كل حيضه بغسل منفرد؟؟
لنفترض اني فعلا كنت مخطئه بالأغتسالات السابقه ماذا علي ان افعل ؟؟
حتى قضاء رمضان مو قادره اصومه صمت يومين واحس بتأنيب ضمير واقول اكيد راح اعيدها لاني مو طاهره .. خايفه في رمضان ان يزيد هالوسواس..كل ماحاولت اتجاهل الوسواس واطنش يجيني تأنيب ضمير والحاح شديد بأني مو طاهره وعلي اغتسالات كثيره ..مو قادره ارتاح من هالتأنيب والتفكير بالغسل..
هل طريقه الغسل المجزئ تفيد بحالتي ؟؟ الله يسعدكم اشرحوا لي طريقته بالتفصيل انا قريت طريقته بس لاني موسوسه ابغى اعرف الطريقه بالتفصيل عشان ارتاح واغتسل بأطمنان وبدون اعاده وتفكير.. واذا نويت الطهاره و غسلت الفرج ودخلت تحت الدوش وغسلت شعري وبدني هل يلزم ان اغسل الفرج مره ثانيه ام تكفى المره الاولى؟؟ واذا انقضت الوضوء بريح اوبول او مس الفرج او خرجت فقاعات هواء ماذا اعمل ؟ اتوضأ في نهايه الغسل ام اخرج بدون وضوء؟
وايضا اعاني من وسواس الافكار المزعجه جدا في كل شي حتى في الناس اوسوس بأن يجيهم شر او ربي يبتليهم بالوسواس واشياء كثيره ماقدر اقولها واشيل هم وادعي على نفسي ان ربي يبلاني ولايبلاهم واغلب شي يجيني في ناس معينه مدري ليش اوسوس فيهم طول الوقت الفكره براسي مو قادره اوقفها او اتجاهلها وهذا الشي يسبب لي الم في راسي ودوخه من كثر الافكار من اول مااصحى الى النوم.. اذا بستغفر او بتصدق تجيني افكار غريبه ووسوسه في النيه حتى في الصلاه ماقدر اركز احس راسي بينفجر من هالافكار ..ووسواس النذر انذر كل شي احس النذر متعلق بلساني يطلع لا تلقائي لدرجه اني اضغط على لساني بأسناني عشان ماانطق النذر ويجيني النذر بأشياء حقيره وغريبه..ونذرت على اشياء كثيره وبعضها نسيها ماذا افعل؟
تعبت من الوسواس اتمنى اموت وادعي ان ربي يأخذني ويريحني ..مو قادره اشكي لأحد كاتمه هالشي واسوي نفسي قدام الناس عادي ومافيني شي وانا اتعذب نفسيا ..تعبت نفسيتي الدنيا كئيبة بعيوني اشوف الناس واقول ياليتني مثلهم احس بضيقه وهم واكتئاب ..ابغى اعيش حياتي براحة وطاعه وسعاده..
المنطقه اللي انا فيها لايوجد فيها دكتور نفسي ساعدوني الله يسعدكم..
ثقتي بالله ثم بكم هي اللي جعلتني اطلب المساعده منكم واذكر كل التفاصيل ..انا دايم اقرأ عن الاستشارات بموقعكم واغلبها تنصح بتناول دواء البروزاك هل ينفع لحالتي وكم مده استخدامه وكم جرعه وكم كبسوله اتناول، واذا ماينفع ماهو العلاج المناسب لحالتي ؟؟
اعتذر عن الاطاله وارجو منكم ان تجيبوني عن كل شي بالتفصيل ولا تحيلوني لفتاوى اخرى لاني قرأت مواضيع كثيره جدا عن الوسواس وحفظتها بس بدون اي فايده كل ماله ويزيد |
|
الجواب:
فمثل هذه الحالة المعقدة يجب أن تخضعي للعلاج لدى طبيب مختص ويجب أن تخبري أهلك بما فيك حتى يقفوا معك في المعالجة فالكلام والشرح والتفصيل طال أم قصر لا يجدي في نظري لأن الوسواس يحتاج من المصاب ألا يتفاعل ولا يتحاور معه وإلا نقله من أمر لآخر كما هي حالتك تماما والنبي صلى الله عليه وسلم قد أرشدنا في مثل هذه الحال إلى أمرين الأول الاستعاذة والثاني الانتهاء فالاستعاذة فيها التجاء إلى الله والانتهاء عدم التحاور والاسترسال معه وعلى كل حال فالعلاج بالعقاقير مضافا إليه العلاج السلوكي نافع بإذن الله تعالى ويجب أن يكون كما ذكرنا تحت إشراف طبيب مختص وألا يقطع المصاب العلاج حتى يقرر الطبيب ذلك ولا تنسي التضرع بالدعاء بين يدي الله تعالى وخاصة في مواطن الإجابة فلعلك توافقين ساعة إجابة فيستجيب الله لك أسأل الله أن يشفيك ويعافيك ويكتب أجرك والله الموفق.
اضافة تعليق