السائـل: عائشه2016-01-19 13:32:15
السلام عليكم ورحمه الله وبركاته
انا متتزوجه صارلي سنتين لم ارزق باولاد بعد حملت مرتين واجهضت حملي في المره الاولى والثانيه
السالفه من البدايه انامن بعد شهر تقريبا من الزواج لقيت على زوجي فلاش ملياااااان افلاام اباحيات واناوقتها ابغى اعرف ليه يتأخرعليه لين الساعه 8او9 ودوامه فقط من ثمان سبع ساعات ومع الايام تطور الموضوع وصار يتأخرعليه لين الساعه عشره دوامه قطاع خاص موحوكمي ولاعسكري ولاسكرتي ولاشرطي وياليت يتأخر هذا التأخر وياخذ فلوس ماياخذ ولاريال المهم بديت اشك فيه لين وصل الشك الي فيني لمرض وقررت انا بنفسي مو زوجي ابدا اني اروح اقرب مستشفى واتعالج عشان الشك مع الايام بعد التسقيط مرتين جاني اكتئتاب شديد وصرت اتعالج كمان منه ولما خالتي جت عندي وقالت كشفت على حقيقته ومن ذالكلام عصبت وحسيت بالظلم والي عنده اكتيئاب شديد احتمال يجيه انهيار عصبي ومن موقف علي وتاخره علي وشكي فيه وموقف خالتي ولماحسيت بظلم كسرت الطاوله وجلست اصعق لاإراديا وبعدين خالتي فهمها علي بحالتي جت لحد عندي واعتذرت واصلن انايابنتي مثلك كذا اعصب ومن ذا الكلام الحمدلله اناالان تحسنت بشكل كبير ومعد صرت اكسر حتى شكي خف بشكل كبير واتواصل كمان مع الدكتوره المهم من اول زياره لدكتوره النفسيه وزي ماقلت اني انا الي طلبت هذا الشيء عشان مااظلم هذا الانسان جلست اكتب رساله بخط يدي ثلاث ايام وانااكتبها وانتقي الكلام الي فيها عشان اوصله اذا موعاجبك حالي من حقك ان تسيبني وتشوف حياتك قلي انامستعد اضحي على شانك انا بعالجك لو طول عمري المهم قالت له الدكتوره احتمال العلاج يوصل سنه الى سنه ونص وبعدها نقيم حالتها جالسه اتعالج وجالسه اتحسن وكل مااروح لدكتوره لازم يقول باقي 50٪وكانه يقول اصلن مارح تشفين المهم اناتحسنت لمده ست شهور وامورنا صارت اوكيه في يوم من الايام ضربني وطبعا هذي مو اول مره يضربني واذا قلت له ليه يقول غيري يطلع دم غيري وغيري اول ماضربني الاخ كان دائما يزور بيت عمه ومعاه نسخ من مفتاح العماره ومن مفتاح بيت اخته كل يوم رايح عندهم مسكته وقلت له انامارح امنعك اذا رايح تزور اختك اوك الله يقويك بس انت عارف ياعلي ان عيال عمك ذولا خالتي دائماتشتكي انهم سحره واناصراحه اخاف عليك ومن حقي امنعك تروح مد يده علي وخنقتي للجدار واحترمي نفسك وانتي تقذفين بنات الناس كيف اقذف بنات الناس وهي خالتي الي قالت هذا الكلام والي غرزت هذي الفكره براسي لوشفت كيف تصرف بتقول هذا الانسان مسحور فيه شيء موطبيعي الهم بلعنا موس وماقلت لاحد وجاب اشياء واعتذر وحلف معد يمد يده علي المهم ووقتها اتعالج وزاد الشيء سوء وزاد اكتيئابي منه ومن نفسي ومن كل شيء في مره من المرات وانا كل اسبوع اسبوعين اروح لدكتوره النفسيه في قسم الموافقات الطبيه حرمه جالسه تتغزل في زوجي وجالسه تأشر لصديقاتها وتقلهم شوفي هذي جالسه تتعالج علاج نفسي شوفي زوجها كيف مسكين وجالسه تظبط النقاب وكل شوي تطالعه اناعاد ماقدرت اصبر رحت عندها بكل ادب اتكلم معاها احترمي نفسك واحترمي المكان الي انتي فيه ياقليله الحيا الي ماتستحين ولاعاد تطالعي في الرجال على عبالك ماشفتك ماسمعت كلامك زوجي وقتها جالس يظحك قدامها وكانه يقول خذيها على قد عقلها انسانه مريضه نفسيا انارحت واشتكيت علها عند مديرها بس موقف زوجي مستحيل انساه لوبعد مليون سنه قلل احترامي مع وحده ساقطه حسيت نفسي حشره بينهم
والى الان مانسيته المهم زاد الموضوع هذا ودخلت عند الدكتوره الا وضغطي مرتفع مره وقلت لها طلعيه من قدامي لااموته اللحين الخسيس رجعنا البيت جالس يعتذر ويش يفيد الاعتذار لو واحد جالس يغازلني وزوجي يخاصم فيه وانااضحك اقسم بالله كان وقتها طلقني المهم انااتحسنت وانتكس قبل شهرين كان جالس يدور على شغل في مستشفى والبيئيه مختلطه وهو بيكون اخصائي توظيف وانت عارف اخصائي التوظيف رح يسوي مقابله شخصيه لحريم قلت له انت تترك النعمه شغلتك في شركه قويه مافيها اختلاط وانت رايح بالحرام برجلك وجالس يقلي مالك دخل عاد انا عصبت هوكان جالس نجبي على الكنبه وكنت جالسه رجل على رجل وكان معه الاب توب دفيت الاب توب برجلي صعق وتجنن انتي حقيره انتي حيوانه انتي كلبه ولحقني بملعقه الطبخ وضربني قلت طيب والله مااسكت هالمره وحالتي كل ماتتحسن نفسيا يزيدها علي المهم كان في فتره امتحانات وضربني كل يوم اقله حبي روح ذاكر وهو على الاب توب ولاهمه واشتكيت اني بقول لاخواني وابويه انك ضربتني اكثرمن مره قال طز فيك وفي اهلك كذا بهذي العباره قلت طيب وانافاتحه على النت لقيت استشاري اسري انو اذا الزوج ماهمه اهلها تشتكيه لشرطه وفعلا صحيته من النوم قلته يلا قوم رايحين مركز الشرطه ليه ليه تكبرين الموضوع سمعتي كيف بتكون لوااشتكيتي لشرطه المهم صار مثل الفار وحلف على المصحف ماعاد يضربني وبعدها باسبوع كتبلي الدكتور دواء جديد للاكتيئاب دواء جبلي كهربا في راسي وهو دايم يصعق وانااقله ياابن الناس ارحمني ماابغى ادعي عليك وتحس الي فيني وهو يزيد واناصابره شوف مازلت صابره وكل يوم في الاسابيع الي طافت اقله يلانروح السوق عشان نجهز انفسنا لسفر وهو مافكر لين انحط الفاس براس وجالس يصعق وصوت اذني يزيد مع رجفه في جسمي جلست قبل مانسافر18ساعه واقفه فيها على رجولي وصابره علي تصرفاته لي سواء الي قبل السفر او الي بالماضي ولما كنا في المطار ماجلسني زي الرجال وراح يكمل اجرائات السفر لاواقفه والله العضيم كنت احس بعرق ماسكني من رجولي لاسفل ظهري ووصلنا مطارجده ومازلت واقفه على العفش لاينسرق وياويلك تجلسين لااستني ويجيني واحد ويتغزل فيني موقفني عند مقاعد الرجال واناتصرفت معاه بعدها رحنا النقل محطه النقل الحرمه لازم تجلس في مكان الحريم لانها لووقفت تصير كانها واقفه في مسرح والرجال يتفرجون وراح جلس ساعتين واقفه على رجولي لين اغمى عليه واجا رجل كبير في السن وقومني وجلسني وجبلي مويه وهو ليه موقفني عشان العفش لاينسرق ولا حرمه واقفه غيري ركبنا النقل والنقل كلللللله حريم مافي الا زوجي واثنين رجال وهو قاعد يتكلم بصوت عالي قدام الحريم واناصابره وساااااكته وصلنا محطه بالنقل وقلت له بنزل اشتري بطاطس وهذي الاشياء كل مااخذ حاجه يضرب يدي قدام الناس كاني مريضه اومختله عقليا اوعندي متلازمه داون سكت وصبرت بعدها جيت البيت وانفجرت معد قدرت اسكت من حقي ولا مو من حقي
المهم لماجيت هنا على اساس بجلس عند ابويه شهر وبعدين يرجعني رحت اقول لابويه بكل براءه اني بجلس عندك مده اشوفه الا طلع من عيونه نار والله ماتجلسين عندي اليوم انا متعلق في حرمه ماعادني مثل زمان ويخاصم ومدري ايه عصبت عليه وقلت له ليه عمتى زوجتك هي الي ماتبغاك تخليني عندك مااشوفه الاوقام واعطاني كف حتى جرح وجهي بعدها اناانفجرت عليه وجالسه اقول وانا معصبه القها منك ولا من علي الكل صار يضربني ابويه عمره وحياته ماضربني يقوم يضربني عشان عمتي دقيت على عمي احمد وقلت له اسالك بالله ي عم قد ضربت بناتك عشان زوجتك الثانيه قال لاوالله ابدا قلت ترضاها ي عم ابويه يضربني عشان عمتي وانت عارف ماعمره مد يده عليه قال لاوالله ماارضاها
المهم بعدين اجا ابويه ويتاسف مني وسامحته بعده تذكر كلامي لماقلت حتى زوجي يضربني
قال ابويه والله رح اكتب عليه ورقه وانه معد يمد يده عليك وزوجي جالس يتكلم مع ابويه وهو مايعبر ابويه ومقلل من احترامه عاد اناعصبت قلت احترم رجال كبيرجالس يتكلم معاك وانت ماتعبره ولا جالس على الواتس وعصبت عليه
الهم زوجي سوى نفسه تعبان والضغط ارتفعه عنده عشان مانسوي الورقه هذي وسوى نفسه انه رايح المستشفى ويوم رجع من المستشفى شاف الاوضاع هديت وابويه بس قله يعطني عشره الاف الي دفعتها من ذهبي للبيت وماكتبوا عليه ورقه ولا شيء وطلعوا كل شيء على راسي اناالمهم زي ماقلت لك حالتي انتكست يوم رجعت من بعد ماشفت ابويه ضربني ورجعلي التكسير لاشعوريا وعلي صارمستفز مره وكل ماتكلم معاه ابويه جالس يضحك ومدري ايه خاصمته بقوه مقدرت اصبر على حركاته على الاقل يحترم المكان الي هو فيه على الاقل اتصل على اخوي وقله ان زوجتي تعبانه وبس تشك فيني ومدري ايش وانامابديت اشك الا من كذا موقف وقلت لك عليه وانهااحيانا تظربني والله من حقي ادافع عن نفسي اذا هو ضربني اكثرمن مره يبغاني اجلس اتفرج عليه مثلا هذا ابسط حق اسويه اني ادافع عن نفسي وبعدين قلي اخوي خلاص افتحوا صفحه جديده كلكم غلطانين قلت طيب وغيرت اسلوبي وصرت زي العسل كل يوم يقول انتي واخوك متفقين عليه وفتح زوجي جوالي وشاف محادثتنا وقال عبدالله يدفع 15الف كاش سالفه انه يقصد ينقلع قال ليه اخويه يقول ينقلع قمت عصبت منه وقلت له ليه تبغاه ياخذك بالاحضان مثلا انااخته مقهور عليها قام كبر السالفه وجلس يصايح عليه في المجلس واحترمي نفسك قلت له لو سمحت اطلع من البيت وانا كرهتك حتى لو تعدلت مايبان في عينك راح واستاجر برا ودخل زوجي اخويه الثاني يصلح وجالس يقول انابستخير لمده شهر وبعدين اردلكم الموضوع يانكمل او نطلق يعني اجلس تحت رحمته ورحمت استاخرته شهر بالله اسالك بالله مين المفروض يستخير مين المهم قال اخويه الثاني والله اختي مارح تجلس تحت رحمتك معلقه ياتبغاها ياروح ذاك الطريق وجلس يقول اصلن انا بعطيكم كل اوراقها الطبيه وحلوا مشاكل اختكم واصلن هي حرمتني من الخلفه وحتى لو رجعتها احتمال اني اتزوج عليها مااقدر استحمل سنه زياده لعلاجها مع العلم انه قالي انه متقبل مرضي وانه فتره وتعدي وجالس يضرب الامثال في اخوه وزوجته وكيف استحملوا عشر سنوات وين كلامه هذا بعدين والله العضيم كل مااترك علاجي ابغى احمل يقلي لا لا كملي الكورس حق العلاج وبعدين نفكر نحمل انا الي ابغى عيال مو هو
والجديد اني كلمته بكل ادب واحترام قلت له من حقي قبل ماتطلقني تجاوبني على اسألتي قال طيب قلت له كيف حرمتك من الخلفه واحنا ماكملنا سنتين وهل انت تضمن نفسك انك بتصير متعافي مدى الحياه وقلت له خاف الله في كلامك هذا واني مريضه مارح تتحملني ترى بكره بتمرض وتشوف كلامك لي بين عيونك ورح تلاقيه في نفسك في اهلك في اولادك اوبناتك خاف الله بعدين قلي وحركاتك وشكك معايه قلت له انااسفه وحقك علي ومايصيرخاطرك الا طيب والحمدلله تحسنت وانت عارف سبب الانتكاسه الي انافيها ورح استمر على الدواء قال اعتذارك دخليه في (ك.و،س.ك)
اناهنا ماقدرت استحمل حسيت نفسي اني ذليت نفسي له بزياده فأطريت اكلم اخواني عن الكلمه الوصخه هذي وحلفوا يمين رح يطلعوها من عينه والله العضيم ماعمري ولاحياتي قلت كلام وسخ كذا حسافه فيه تربيه خالي الله يرحمه وخالتي كمان صراحه انا هناوضعت النقاط على الحروف انامقدر اعيش مع الانسان هذا صراحه مثال للاب السيء ومااتشرف اربي اولادي في بيئه وصخه كذا ومن زمان لسانه وصخ معايه بس قلت يمكن يتعدل الشيء المضحك يطلب مني الاحترام وهو كلامه كذا الانسان هذا يحتاج لعلاج اذا بيفكر يتزوج وبعدين سالت كذا شيخ ومفتي عن الاستخاره في الطلاق وكان الجواب اذا الزوجه ماسوت منكر فهذا مكروه الطلاق فيه اماان كانت الزوجه ترا في زوجها عدم الاحترام وعدم الصلاه في وقتها وهو مايصلي زي الخلق والناس ينام قبل صلاه الفجربنص ساعه وان صلاها يصليها في البيت مو في جماعه وان صلاها كمايجب خوفا من خالتي اذا كنا عندهم اوخوفا من الناس اما معايه الله يهديه والله دئما ادعي له بالهدايه حتى واللحين كارهته ومع ذالك ادعيله
قبل امس عطرت شنطته وحطيت ورد مجفف وهديه وتجراف جلست اكتب فيه يومين في الاخير يقول دخلي اعتذارك في (فراغ) والان يريد الطلاق بسبب مرضي واناالان استخير الله عزوجلز واسال الله يكتب لي ماهو خير لي في دنياي واخرتي وعاقبه امري
السلام عليكم ورحمة الله وبركاته.. شكراً على تكرّمكم بطلب الاستشارة من موقعكم “مستشارك الخاص” وثقتكم بنا، آملين في تواصلكم الدائم مع الموقع، وبعد:
فردا على استشارتك أقول:
– ما أنت فيه ابتلاء من الله تعالى سواء مرضك أو سوء خلق زوجك وهذه الحياة كلها دار ابتلاء كما قال تعالى: (تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ).
– ما ينزل بالعبد من المصائب قد يكون سببه ذنوب ارتكبها ولم يتب منها كما قال تعالى: (وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ) فيجب التوبة والاستغفار من كل الذنوب وقد يكون امتحانا واختبارا للعبد كما قال تعالى: (وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ).
– هذا الابتلاء مكتوب عليك من قبل أن يخلقك الله تعالى وجميع شئوون الكون تسير وفق قضاء الله وقدره قال تعالى: (إِنَّا كُلَّ شَيْءٍ خَلَقْنَاهُ بِقَدَرٍ) وقال عليه الصلاة والسلام: (قدر الله مقادير الخلق قبل أن يخلق السماوات والأرض بخمسين ألف سنة وكان عرشه على الماء) وقال: (كل شيء بقضاء وقدر حتى العجز والكيس) يعني: (الفطنة).
– التفكير بالزواج بعاطفة مجردة دون النظر إلى صفات ومواصفات الزوج يجر في الغالب إلى مثل هذه المشاكل فلعلكم استعجلتم في الزواج ولم تنظروا إلى الصفات التي أرشد إليها النبي صلى الله عليه وسلم حين قال: (إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير) ولذلك ظهر لي من خلال استشارتك أن التزام زوجك ضعيف جدا وما يفعله إنما هو خوف من أمه فقط ولذلك فإن الدين والخلق أمران متلازمان يؤثر بعضهما في بعض ولا يغني أحدهما عن الآخر وهما صمام أمان للحياة الزوجية السعيدة والمطمئنة وصاحب الدين والخلق إن أحب المرأة أكرمها وإن كرهها سرحها بإحسان وليس ضرب المرأة ولا إهانتها واحتقارها وأهلها من الإحسان.
– لا يكرم المرأة إلا كريم ولا يهينها إلا لئيم وقد أوصى عليه الصلاة والسلام بالمرأة فقال: (استوصوا بالنساء خيرا) ولا يضرب المرأة الأخيار كما قال عليه الصلاة والسلام فيمن يضرب المرأة: (ليسوا بخياركم).
– الجزاء يكون على قدر البلاء فإن عظم البلاء عظم الجزاء والابتلاء عنوان محبة الله للعبد يقول عليه الصلاة والسلام: (إِنَّ عِظَمَ الْجَزَاءِ مَعَ عِظَمِ الْبَلاءِ، وإِنَّ اللَّهَ عَزَّ وَجَلَّ إِذَا أَحَبَّ قَوْمًا ابْتَلاهُمْ، فمَنْ رَضِيَ فَلَهُ الرِّضَا، وَمَنْ سَخِطَ فَلَهُ السَّخَطُ) فعليك أن ترضي بقضاء الله وقدره وحذار أن تتسخطي وإلا فالجزاء من جنس العمل.
– لا أنصحك بالطلاق في هذه المرحلة فعادة ما تكثر المشاكل بين الزوجين في بداية الحياة نتيجة لقلة الخبرة ولاختلاف البيئة التي كان يعيشها كلا منهما والبيئة الحاضرة ثم تبدأ المشاكل بالتلاشي بعد اكتساب شيء من الخبرة في الحياة بإذن الله.
– مع الصبر قد يجعل الله في زوجك خيرا ما كنت تحتسبينه فالإنسان قد يكره شيئا وفيه خير كثير وقد يحب شيئا وفيه شر له قال تعالى: ((وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ).
– اطلبي من زوجك جلسة تفاهم وحبذا لو كانت خارج البيت فإن وافق فتهيئي لها وكوني بأبهى حلة وابدئي الجلسة ببث مشاعر حبك لزوجك وحاجتك لقربه منك ولا تتركي عبارة عاطفية إلا بثثتها لها ثم اطلبي منه أن تضعا خارطة طريق لحياتكما واطلب منه أن يخبرك بما يحب وبما يكره وعديه أن تفعلي ما بوسعك مما يحب وأن تجتنبي ما يكره.
– أتمنى أن تقتربي من زوجك أكثر بحيث تتجملي له على سبيل الدوام وابتدئيه الكلمات العاطفية واهتمي بنظافة بيتك وحسن ترتيبه وشاركيه همومه وأشبعي رغبته الجنسية واهتمي بمظهره وأحسني استقباله وتوديعه وهيئي له سبل الراحة فلعلك بذلك تكسبين قلبه.
– هدديه بإبلاغ أمه بأفعاله إن كان يخاف منها ويخاف أن يبلغها ما يفعله بك وإن رأيت أن إخبارها سيحل مشكلتك فأخبريها.
– إن لم ينفع معه ذلك أو لم يوافق فعلى والدلك أن يستدعيك وزوجك فيتكلم مع زوجك كلام الأب لأبنه وينصحه ويوجهه ويعرف كل منكما بأخطائه بهدوء ورفق وعليكما أن تسيرا وفق ما يوجهكما.
– إن لم ينفع معه ذلك فعلى والدك أن يطلبه مع والده أو أحد أقاربه الكبار الذين يكن لهم الاحترام ويستمع لنصحهم وتوجيههم ومن ثم لا بد من السماع منكما وما تعانيان من بعضكما ويتم حل الإشكال ويكتب ما يتفق عليه وتوقعان على الاتفاق مع شهادة والدك ومن سيأتي مع زوجك من طرفه.
– وثقي صلتك بالله وأكثري من الأعمال الصالحة تعيشي حياة طيبة كما قال تعالى: ((مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ).
– تضرعي بالدعاء بين يدي الله تعالى وأنت ساجد وفي أوقات الاستجابة أن يصلح الله زوجك ويلهمه رشده ويهديه سبل السلام واجتهدي أن يتوفر فيك أسباب استجابة الدعاء وأن تنتفي الموانع فإن توفر ذلك استجاب الله دعاءك كما وعدنا الله بقوله: (وَقَالَ رَبُّكُمُ ادْعُونِي أَسْتَجِبْ لَكُمْ ۚ).
– إن وصلت الحياة معه إلى حد أنك لا تطيقين ذلك ورغبت في الانفصال عن زوجك فاستشيري والديك فهما أحرص الناس على سعادتك وعندهما من الخبرة ما فيه الكفاية وصل صلاة الاستخارة وهي ركعتان من دون الفريضة وادعي بالدعاء المأثور وامض على بركة الله فلعل جديتك في طلب الطلاق تجعله يتراجع فإن تراجع واعترف بخطئه فالحمد لله وهذا يعني أن الله اختار لك البقاء معه وإن لم يتراجع فهذا يعني أن الله اختار لك الانفصال واعلمي أن اختيار الله للعبد خير من اختيار العبد لنفسه لأن الله يعلم الغيب بخلاف العبد فلا يعلم من ذلك شيئا وسيأتيك رزقك بإذن الله تعالى.
أسأل الله لك التوفيق والسداد إنه سميع مجيب.
اضافة تعليق