السلام عليكم
انا فتاة عمري 31 سنة اعمل مصورة افراح يمنية و اعيش في جدة تقدم لخطبتي واحد سعودي عمره 30 سنه و اهله طلب منا نطله الطائف عشان الشوفه بحكم امه مشلول و لا تستطيع المجيء جدة فاذا اعجبت بي الام فوالد موافق علي و طلعنا الطائف و شافتني الام و اعجبت بي و لبستي الخاتم و قوالوا مادمنا هنا في الطائف نخلي الولد يدخل و يشوف العروس وجاء ااواد عشان يشوفني بوجود والدي و قال انه انه معجب بي و هو موافق و انا وافقت و اخذوا اوراقي عشان الاجرات ونزلنا جدة و بعد باسبوع طلبوا منا ان نطلع للطائف عشان نملي الاوراق في الطائف عشان عندهم واسطه و ان شاء الله بتطلع الموافقه بسرعه
و طلعنا و ملينا الاوراق و بعدها 5 ايام طلبوا منا نطلع عشان تحاليل الزواج و طلعنا مرتين عشان المره اخذوا مني الدم و بعها بثاني يوم قالوا الدم ما يكفي فطلعت مره ثانيه و قالوا انه النتائج حطلع بعد 10 ايام فوجيت انه نتائج التحاليل طلعت بعد 3 ايام وجات الموافقه بعد باسبوع قلت هذي الاشارات دلاله على خيره و تم تحديد موعد للعقد و طلعنا مره اخرى الطائف عشان العقد و لاحظت كل مرع اطلع الطائع العريس ما كان يطل علي او حاول يتكلم مع و انه والده هو اللي يسوق و لما كنا في المحكمة عشان العقد كان القاضي كل مسئل الولد راح ابوه يجاوب عنه حتى لما قاضي سئلني عن شروطي تدخل ابوه مرة اخرى و قاله البنت ماعندها شروط ( وا نا عندي شروط ) هنا القاضي عصب و طلب من ابوه العريس الخروج و لا يبقى اح في الغرفة غير العريس و العروس و ابوه العروس هنا رفض ابوه يخرج فنادا على الحارس عشان يخرجه و خرجه و تم الامر على خير وبعده ماعقدنا و خرجنا من المحكمه كلمني العريس و كان هذي اول مره هديتك في السياره و حاب اعطيكي اياها فقال ابوي تعال بيت عمها و اعطيها الهدية و بعدها بساعه جاء العريس و اعطاني الهديه و خرجوا الاهل من الغرفه عشان يعطونا فرصه نتعرف على بعد اول ما خرجوا اهلي على طول الاقي العريس جلس جنبي ومسك صدري ( ايوه حط يداته على صدري ) و باسني بقوه على فمي و انا دفيته لانه فاجئني بهذي الحركه و خاصة انه انا ماخذ عنه فكره انه خجول و يستحي و طلبت منه انه ياخذ الامر برويه عشاني استحي منه و قالي انه اني صرت حرمته اي اني حلاله و اني مستعد يسوي لي احلا زواجه و يحقق لي كل احلامي و بعدها راح و نزلنا جدة و كنت مره فرحانه و جالسين نستعد عشان الملكه بس اتصل والد العريس و طلب منا تأجيل الملكه عشان خال العريس مات و نخلي الملكة بعد شهرين و احنا وافقنا مرة عشرى اياه و لا حاول العريس ياخذ رقمي او يسئل عني او يتصل و ابوي يطلب مني اتصل على العريس قلت له هو اللي يتصل مو انا و قلي خلاص هو زوجك اتصلي عليه و اتصلت عليه عشان احاول اتعرف عليه و اكسر الخجل اللي فيه وبعدها كل مره اتصل عليه هو ابدا مايصل علي و لما اتكلم معه يبقى ساكت ما يحاول يتعرف علي او يسئل عني بدات اكش منه ومره اتصلت عليه عشان كلمه سئلني اول مرة يسئلني متى بتنقلي كفالتك علي هنا هنا صدمت ليش تبغاني انقل كفالتي عليك قال عشان انتي زوجتي و ام عيال و قلت له بعد الزواج بسنة بنقل كفالتي عليك ورفض الا دحين ابغاكي تنقلي كفالتك علي قبل الزواج استغربت من اصراره ورفضت و قلت له قلي السبب اول الا فجئه الاقي السماعه انتقلت لابوه العريس و هو جالس يكلمني عشان الولد حاب يضيفك في كرت العائله عشان استفيد من الضمان المستشفى اذا حابه تتعالجي في اي مكان قلت له انا عندي ضمان و ماني محتاجه قال الاب بعدها اوكي و كفل بعدها من جد انه في شيء غلط في الموضوع و صدقت توقعاتي بعدها 4 ايام يتصل ابوي العريس و يكلم ابوي و يطلب منه يطلع الطائف و يجيب جوازي و اقامتي و يقل كفالتي على ولده ابوي قاله البنت عندها ضمان قاله ابو العريس لا مو عشان الضمان عشان ولد حاب يقدم على قرض الزواج و لازم البنت تكون مضاف في كرت الاسرى عشان يقدر يقدم على قرض زواج و بعدها قالي ابوي الحقيقة من جد خفت من الموضوع خاصتا انه لسه قلبي ما ارتاح للعريس اولا و ثانيا ليش ماقالوا من الاول الحقيقه و بعدها صليت صلاة استخارة و ثاني يوم ما حسيت نفسي مرتاحه اتصلت على زوجي عشان اكلمه و اقوله انه انا ما ابغى انقل كفالتي عليه لانه لسه ما تعرفنا على بعض و لا انت نزلت تشوفني او تحاول تتقرب مني و انه انا مابغى ابدء حياتي في ديونا اذا علشان زواج و تجهيز البيت فخلينا نسوي زواجه ميسوره و نجهز البيت حبه حبه و ابوي حيساعدك رح رد علي مو عشان كده انا و طفران و محتاج للقرض فكري و بعدها ردي علي و قفل الجوال و انا في حالة ذهول و كلمت طفران عالقه في دماغي رحت كلمت ابوي و قلت له المحادثه و قالي كل السعوديين ياخذون قروض فهذا موضوع عادي انا ما عجبني ابدا الموضوع و قلت ابوي انا ما ابغى انقل كفالتي عليه و اذا هو مصر نفسخ زواجه و طلب مني ابوي افكر في الموضوع و انه الولد هذا فرصه لي و انه في سني صعب يتقد واحد لسه ماهو متزوج . و جلست اسبوع افكر و بقيت مصره على الفسخ زواج فكلم ابوي ابو العريس و قاله اطلع الطائف خلينا نتفاهم و طلعنا الطائف و حطني ابوي انا و امي في بيت عمي و راح عشان يتكلم مع العريس و ابوه و في الليل رجع ابوي قال خلاص تكلمت معاهم و مافي لازمة لنقل كفالتك و شفت شقه اللي بتسكنين فيها وبعد شهر بتتجهز و انا فرحت لانه الموضوع عدى على خير و نزلنا جدة وثاني يوم يرسل العريس رسالة لابوي ( ما ابغى بنتك رجع لي المهر و الذهب )
و صدم ابوي ايش اللي صار امس كانوا متفقين و يتصل على العريس و ما يرد عليه
حقيقح انا ارتحت لانه جات على كده و احنا لسه على بر و ربي ان شاء الله يعوضني بواحد احسن مني في الليل يتصل ابو العريس و يعتذر من ابوي و يقوله انه الولد تصرف من نفسه من دون استشارته و الزواجه حتم ان شاء الله و طلب من ابوي انه يطلع هو و الاهل عندهم في البيت على العشاء و وقالي ابوي اناقلت له ما ابغى اكمل خلاص ابغى افسخ و ابوي الا مصر انه نكمل و قال اعطيه فرصة ثانيه و مر اسبوع و طلعنا للطائف انا و امي و ابوي و احنا متجهين لبيتهم الا يتصل ابو العريس و يطلب من ابوي انه يمر له على المحل لوحده عشان يبغى يكلمه راح له ابوي بعد ما حطني انا و امي في بيت عمي و راح للاب و احنا مستغربين و بعدها في الليل يتصل علي ابوي و يقولي انزلي انتي و امك عشان خلاص ماشيين جدة و في السيارة قالي ابوي انه خلاص زواجي بيكون بعد شهر من الان و انه ابوه العريس جات له فلوس و خلاص الولد ماهو محتاج للقرض و سئلته مين كان معك حاضر النقاش قال احنا الرجال انا و عمك و ابو زوجك و سئلت اذا العريس كان معهم قال لا ما كان موجود انا صدمت كيف ماهو موجود هي حياته و زواجه كيف مايكون موجود خلاص هنا انا اصريت انه انهي الموضوع و ما ابغى اتزوجه و ابوي واقف جنبهم ما يبغى نفسخ و قالي افكر و مرة 3 ايام و انا على اعصابي و مصرة انه ما اكمل و اتصلت على العريس و وكلمته و قلته ابغى اكلمك على الرسالة اللي ارسلتها لابوي قال ايوه ما ابغاكي عشان ما تبغي تنقلي كفالتك قلتله يعني اذا ما ابغى انقل كفالتي انت ما تبغاني قالي ايوه قلت حلو مادمت انت ما تبغاني و انا ما ابغاك خلاص كل واحد يروح لطريقه و قال اوكي انا بكلم الوالد و قفلنا طبعا انا سجلت المحادثه و ما قلت لابوي عشان ابغى اشوف اذا من جد حيكلم ابوه و لا لا وبعدها ب4 ايام يتصل و يسئلني كلمتي ابوك قلته ايوه و انت قال لا خلي ابوكي يكلم ابوي و يقوله و متى بتطلعي عشان تعطيني المهر و الذهب كمان ابغى خاتم الشوفه هنا انا من جد كرهته و قلت له ما ابغى منك شيء اعطيك المهر و الذهب و الخاتم ما ابغى شيء منك و مره كن رجال و انزل هنا جدة انا ماني طالعة وقفلت و كلمت عمي و اخوي الموجود في كندا و قلت لهم كل شيء عشان لو انا كلمت ابوي ما حيقتنع انه نفسخ و كلمه عمي و اخوي و اقتنع ابوي وكلم ابو العريس و قاله خلاص ولدك مايبغى البنت و البنت ما تبغاه خلينا نتقابل في المحكمة اعطيني الطلاق و انا اسلمك المهر و الذهب بس ابوي العريس ما يبغى و يقول الزواج حتستمر و ماتاخذ كلام الولد وابوي يحاول يقنعه بس ابدا ما يبغى
دحين ايش اسوي انا خلاص و الله نفسيتي تحطمت و متنرفزه ابغى الموضوع يخلص قلت لابوي نروح المحكمة ما دام ابوي العريس ما يبغى الموضوع يخلص بهدوء و نوري القاضي الرسالة و التسجيل و نقوله في شهود يشهدوا انه الولد ما يبغاني و يبغى يفسخ وحنا المحكمة بتفسخ و تعطيني نص المهر لانه من حقي ما دام الموضوع جاء منهم و ابوي يقول ما يبغى مشاكل
انتي ايس تنصحيني اسوي لا ابو العريس و لا العريس يبغوا ينزلوا و لاابو العريس يبغى ينهي الموضوع كمان عرف انه العريس قاعد يروح عند الناس و يقولهم انه ما يبغى البنت انه البنت متمسكه فيه و انا حقيقة ما اعرف ايش اسوي ايس تنصحيني
السلام عليكم ورحمة الله وبركاته.. شكراً على تكرّمكم بطلب الاستشارة من موقعكم “مستشارك الخاص” وثقتكم بنا، آملين في تواصلكم الدائم مع الموقع، وبعد:
فمرحبا بك أختنا الكريمة في مستشارك الخاص وردا على استشارتك أقول:
الذي أحسسته من خلال استشارتك أن ثمة خلل في هذا الشاب وأنكم لم تُجْهِدُوا أنفسكم في التعرف على صفاته وأهم تلك الصفات الدين والخلق فالزواج مشروع عمر وليس لفترة محددة وما لم تكن الصفات المطلوب توفرها لاستدامة الحياة الزوجية موجودة فتلك أول الطريق للفشل.
من أعظم مقاصد الزواج السكن النفسي والذي ينشأ عن الانسجام في الصفات وما ظهر لي أن ذلك الانسجام غير موجود بينكما بدليل الجفاء الذي يمارسه هذا الشاب معك.
عادة ما يكون الشاب في حال الخطوبة والعقد في غاية من السرور ويتواصل مع زوجته ويتكلم معها بالكلام العاطفي ويشتاق لسماع صوتها ويتغزل بها وهذا ما لم يحدث من زوجك.
من الغريب أن يكون تصرف الولد يتناقض مع تصرفات والده والعكس والأغرب أن كل يوم يطلعون برأي آخر.
الذي أراه أن تكلفوا عمك بالسؤال والتحري عن هذه الأسرة عامة وعن زوجك خاصة ولعله يتبين لكم أين موضع الخلل.
لا أرى الاستعجال في الفسخ ولا في الزواج ولتتيقنوا مما ذكرته سابقا عن صفات زوجك فإن تبين أن ثمة خلل في صفاته ففسخ العقد هو السبيل الأمثل قبل أن يقع الفأس في الرأس كما يقال.
تدارسي الموضوع مع والدك وأمك والعقلاء من أفراد أسرتك فهم أحرص الناس على سعادتك ومصلحتك واتخاذ القرار الجماعي أسلم من اتخاذه بطريقة فردية قد تلامين عليها فيما بعد.
لا تتعجلي باتخاذ القرار ولا تجعلي القرار ينبع من الضغوطات التي تعانين منها وفكري بعقل وروية وقارني بين المصالح والمفاسد.
عليك بكثرة الاستغفار والصلاة على النبي صلى الله عليه وسلم في هذه الفترة خاصة فإن ذلك من أسباب تفريج الهموم وتفريج الكربات كما قال عليه الصلاة والسلام: (من لزم الاستغفار جعل الله له من كل هم فرجا ومن كل ضيق مخرجا) وقال لمن قال له أجعل لك صلاتي كلها: (إذا تكف همك ويغفر ذنبك).
أكثري من تلاوة القرآن الكريم وحافظي على اذكار اليوم والليلة يكن ذلك حرزا لك ولكي يطمئن قلبك كما قال تعالى: (الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ).
نسعد بتواصلك ونسأل الله تعالى أن يجعل لك من كل هم فرجا ومن كل ضيق مخرجا والله الموفق.
اضافة تعليق